Cese-fèr(-estela)
Astragalus stella
Fabaceae Leguminosae
Noms en français : Astragale en étoile, Astragale à gousses en étoile.
Descripcioun :Lou cese-fèr-estela trachis dins li tepiero de Prouvènço secarouso. Es uno planto di proun peludo que se recounèis à si grapo de flour vióuleto pulèu pichoto (5 à 11 mm) groupado sus un long pecou tant long o pu long que la fueio d'à coustat. Segur qu'en fru, èi pas poussible de s'engana que li dòusso s'escarton coume d'estello.
Usanço :Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).
Port : Erbo
Taio : 5 à 25 cm
Fueio : coumpausado
Tipe bioulougico : Teroufite
Cicle bioulougico : Planto de l'an
Gènre : Astragalus
Famiho : Fabaceae
Famiho classico : Leguminosae
Ordre : Fabales
Coulour de la flour :
Vióuleto
Petalo : irreguliero
Ø (o loungour) flour : Pancaro entresigna
Flourido : Printèms
Sòu : Ca
Autour basso e auto : 0 à 800 m
Aparado : Noun
Liò : Tepiero seco
Estànci : Mesoumediterran à Subremediterran
Couroulougi :
Pancaro entresigna
Ref. sc. : Astragalus stella Gouan, 1773
Trescalan(-pelu)
Hypericum tomentosum
Hypericaceae Guttiferaceae
Nom en français : Millepertuis tomenteux.
Descripcioun :Pichot trescalan que se recounèis à si fueio peludo, si glando negro sus lou bord di sepalo e peréu di fueio. Fai pas mai de 50 cm. Trachis dins li relarg bagna pèr moumen.
Usanço :Couneissèn pas d'usanço particuliero pèr aquéu trescalan. Ei bessai proche de l'erbo-de-l'òli-rouge. Escriéure au site se n'en sabès mai.
Port : Pichoto planto lignouso
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo
Gènre : Hypericum
Famiho : Hypericaceae
Famiho classico : Guttiferaceae
Ordre : Malpighiales
Coulour de la flour :
Jauno
Petalo : 5
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto :
Pancaro entresigna
Aparado : Noun
Liò : Prado umido
Estànci :
Couroulougi :
Pancaro entresigna
Ref. sc. : Hypericum tomentosum L., 1753